ნაყროვანება, მუცელღორობა - ციტატები, გამონათქვამები

ხშირად პატივმოყვარეობა ნაყროვანებას აღუდგება წინ და ეს ორი ვნება საბრალო მონაზვნის - როგორც ნაყიდი მონის - დასაპყრობად ერთმანეთს ებრძვის. ნაყროვანება ჩააგონებს, რომ გაიხსნილოს, პატივმოყვარეობა სათნოებად წარმოჩინებას ლამობს. იხილეთ სრულად

თუ ხორცი გვძლევს, თავშეკავებით უნდა შევზღუდოთ იგი, ყოველ დროსა და ყოველ ადგილს. როცა ის მიწყნარდება (რისი იმედიც არ მაქვს ვიდრე სიკვდილამდე), მაშინ შეგიძლია, სხვათა წინაშე შენი თავშეკავება დამალო

თვალყური ადევნე და ნახავ, რომ მრავალი საჭმელი, მუცელს რომ ბერავს, სიძვის ვნებას აღძრავს

ისინი, ვინც არ დაცემულან, თავშეკავების ერთ სახეს უნდა აღასრულებდნენ და დაცემულნი და მონანულნი - მეორეს. პირველთათვის ხორცთა აღძვრის მოკვდინებაა მიზანი, მეორენი კი - გამუდმებით თავშეკავებაში არიან და არანაირ ხორციელ ნუგეშს არ სცნობ... იხილეთ სრულად

მხიარულებისა და საჭმლით ნუგეშინისცემის ჟამი სრულთათვის უზრუნველობის ჟამია; მოღვაწეთათვის ჟამი ბრძოლისა, ხოლო ვნებით შეპწრობილთათვის დღესასწაულთა დღესასწაული და ზეიმთა ზეიმი

იბატონე შენს კუჭზე, სანამ თვითონ გაგიბატონდება და მაშინ იძულებული გახდები, სირცხვილით მარხულობდე. ამ ნათქვამს კარგად გაიგებს ის, ვინც სიძვის უფსკრულში ჩავარდნილა, ქალწულებს კი ამის გამოცდილება არა აქვს

კუჭი მომავალი ცეცხლის ხსენებით დავაოკოთ, ვინც მუცელს დაემონა, ზოგიერთმა საკუთარი ასონიც მოიკვეთა და ორმაგად მოკვდა

კარგად დავაკვირდეთ და მივხვდებით, რომ ესაა ჩვენზე მოწევნული მხურვალების ერთადერთი მიზეზი

მმარხველის გული ფხიზლად ლოცულობს, ხოლო თავშეუკავებელის გონება არაწმინდა ოცნებებითაა სავსე

მუცლის გაძღომა ცრემლთა წყაროს დაშრეტს