სიმდიდრე - ციტატები, გამონათქვამები

"მე რომ მდიდარი ვყოფილიყავი, – ამბობს მავანი, – მთელ ქვეყანას გავამდიდრებდი!.." სისულელეა. ხშირად ჩვენ, სიმდიდრეში მყოფნი, კაპიკს უფრო ვუფრთხილდებით, ვიდრე მანეთს – სიღარიბეში.

ვისაც სიმდიდრე უყვარს, მას არ ძალუძს მოყვასის შეყვარება

სიმდიდრე კი არ ახშობს სასუფეველში შემავალ კარს (მათე 19,23), არამედ ამ სიმდიდრის ბოროტად გამოყენება

უპირველეს მდიდარს, ისევე როგორც უკანასკნელ გლახაკს, მარადისობაში მხოლოდ მისი საქმეები გაჰყვება, კეთილი ანდა ბოროტი.

თუ მთელ იმედს სიმდიდრეზე ამყარებ, რისი იმედი გექნება სიცოცხლის ბოლო წუთს?

ჰოი, მოკვდავო, მხოლოდ განქარვებად საუნჯეს თუკი აგროვებ, თვით განქარდები

ამქვეყნიურ სიმდიდრეს გულით მიჯაჭვულნი ზეციურ სიმდიდრეს არ ეძებენ

თქვენ ფლობთ ველ–მინდვრებს, ბაღებს, ტბებს, კორომებს და კიდევ რაღას არ? ხოლო მიწის მცირედი ნაკუწი, რომელიც სიგანით ორი ნაბიჯია, სიგრძით კი – ექვსი, იქნება თქვენი საცხოვრისი და ერთი ქვა იკმარებს თქვენს სადარაჯოდ.

ადამიანი როცა კვდება, ყველაფერს აქ ტოვებს და თვით მისი სხეულიც მიწას მიებარება.

მთელი ქვეყნიერება რომც მოვიპოვოთ, მაინც სამარეში ჩავალთ, სადაც მეფეს გლახაკისაგან ვერ განარჩევ.