ლოცვა - ციტატები, გამონათქვამები

ფსალმუნთა გალობას ხალხის სიმრავლეში გონების გაბნევა ახასიათებს, ხოლო მარტოდ ყოფნისას ეს ხშირად არ ხდება; თუმცა მარტო მყოფს მოწყინება ებრძვის, ხოლო კრებულში მეტი გულმოდგინება ეხმარება

მეფისადმი სიყვარულს მხედარი მისთვის ბრძოლაში გამოაჩენს; ხოლო მონაზვნის სიყვარული ღვთისადმი ლოცვის ჟამს გამოჩნდება

შენს მდგომარეობასა და საქმეს, ლოცვა გამოაჩენს, ამიტომ მას წმინდა მამებმა ლოცვის სარკე უწოდეს

ვინც რაიმე საქმეზე ზრუნვას ლოცვის დროსაც განაგრძობს, მას ეშმაკები შეაქცევენ, რადგან ეშმაკებს სწორედ ის სურთ, რომ ერთი დროით ჩვენგან მეორეც მიიტაცონ

თუ ვინმე მისთვის ლოცვას გთხოვს, ნუ უარყოფ მას, თუნდაც ლოცვის დიდი ნიჭი არ გქონდეს მოპოვებული, არამედ შემუსვრილი გულით ილოცე, რადგანაც ხშირად მთხოვნელის სარწმუნოება შემუსვრილებით მლოცველსაც აცხოვნებს

უფრთხილდი ამპარტავნებამ არ შეგიპყროს, თუ სხვისთვის ილოცებ და უფალი შეისმენს შენსას; იცოდე, რომ მათი სარწმუნოების მიხედვით მიანიჭა მადლი

ყველა მასწავლებელი ყოველდღიურად ითხოვს ბავშვისაგან წარმოთქვას ის, რაც ისწავლა; ხოლო უფალი ყოველდღიურად იძიებს ყველასგან, რომ აჩვენოს ძალა, რომელიც მან ლოცვით მიიღო

როდესაც კეთილად ლოცულობ, სწორედ მაშინ აღდგება მტერი შენს წინააღმდეგ საბრძოლველად, რადგანაც ეს მისი ჩვეულებაა

ყოველგვარი სათნოება და უმეტესად - ლოცვა გულისხმიერებითა და მხურვალებით უნდა აღესრულებოდეს

სული მაშინ ილოცებს მხურვალედ, როდესაც მრისხანებას დაძლევს