წუთისოფელი - ციტატები, გამონათქვამები

სულიც და სხეულიც სტუმრები არიან - ერთი ზეციური, მეორე კი - მიწიერი (ეკლ. 12, 7)

ო, ადამიანო! შენ აქაური მკვიდრი კი არა - უცხო სტუმარი ხარ

ადამიანი ერთი კარით - დაბადებით - ამ სოფელში შემოდის, მეორით კი, ანუ სიკვდილის კარით - მისგან გადის.

არასოდეს უნდა დაგავიწყდეს, რომ ყველანი გზაში ვართ და ჩვენს სამშობლოში ვბრუნდებით, ვინ - მხრებზე შულდაკით, ვინ - ოთხმაგი სიმკვირცხლით, მაგრამ ყველა ერთ კარში შევალთ

ამ სოფელში ჩვენი ცხოვრება სხვა არაფერია, თუ არა განუწყვეტელი მოგზაურობა მომავალ ცხოვრებაში.

ამ დროებით ცხოვრების ყველაზე ჭეშმარიტი მიზანი მარადიული ცხოვრების სწავლაა.

ჩვენი ამჟამინდელი ცხოვრება იმისთვის მოგვეცა, რომ მომავალი ცხოვრებისთვის მოვემზადოთ.

მიწიერი ცხოვრება მხოლოდ დასაწყისია, ცხოვრებისათვის მომზადებაა

ჩვენი ამჟამინდელი ცხოვრება არ არის ჭეშმარიტი, ნამდვილი ცხოვრება, რომლისთვისაც შეგვქმნა შემოქმედმა. მომავალ ცხოვრებასთან მიმართებაში ის იგივეა, რაც ჩიტის ცხოვრება კვერცხში, რაც ჩვილის ცხოვრება დედის საშოში.

სამონაზვნო და საერო ცხოვრებას შორის ისეთივე განსხვავებაა, როგორიც - ნავსადგურსა და გამუდმებით ქარისგან მღელვარე ზღვას შორის.