განკითხვა - ციტატები, გამონათქვამები

მოყვასის დამამცირებელი და განმკითხველი სიტყვის მოსმენისას გაფრთხილდი, რათა სმენით სხვისი ენის ცოდვის თანამოაზრე არ გახდე. ნუ დაუდებ გულს სიტყვებს, რომლებიც განმკითხველს უფრო ავნებს, ვიდრე მას, ვინც განიკითხეს.

მოყვასის არათუ განკითხვა, არამედ განკითხვის მოსმენაც კი არ შეიძლება

სინდისის წესად დაიდგინე, რომ არასოდეს არავისზე ცუდი არ თქვა. თუ არ შეგიძლია, სხვას წინ აღუდგე ავსიტყვაობაში, მაშინ, უკიდურეს შემთხვევაში, შენი მდუმარებით მაინც უჩვენე, რომ არავითარ მონაწილეობას არ იღებ მის ავსიტყვაობაში.

გველმა ევა სამოთხიდან გამოდევნა წყევით; ამიტომ მოყვასზე ცუდის მთქმელი გველს ჰგავს. ის ღუპავს მსმენელის სულს და ვერც საკუთარს აცხოვნებს.

მოყვასის განკითხვით შენ მასაც ზიანი მიაყენე, ვინც გისმენდა. თუ ის ცოდვილია, უდარდელი ხდება, როდესაც ცოდვაში თანამზრახველს იპოვის; ხოლო თუ მართალია, ამპარტავნებაში ვარდება და სხვისი ცოდვის გამო ამაყდება, რაც საბაბია იმისთვის, რომ დ... იხილეთ სრულად

ავისმეტყველ სულს სამკაპა ენა აქვს: იგი ზიანს აყენებს საკუთარ თავს და მსმენელს, ზოგჯერ კი მასაც, ვისზეც ავმეტყველებს.

თუ ზრახვა შენი ძმის შესახებ რაიმე ცუდის სათქმელად გიბიძგებს, დაფიქრდი, რაოდენ საშიშია ეს შენი სულისთვის, ღვთისთვის კი - საძაგელია - და დამშვიდდები.

ვინც ნახატს დასცინის, ის მის მხატვარს დასცინის. "ვინც საპყარს დასცინის, მის შემოქმედს შეურაცხყოფს" (იგავ. 17, 5).

ვინც მოყვასის ცოდვებს აზვიადებს, ის თვითონ ძალზე პატარაა ღვთის თვალში

უმჯობესია, საკუთარ თავზე ცუდი მოისმინო, ვიდრე - სხვაზე თქვა ცუდი