დაუდევრობა - ციტატები, გამონათქვამები

63. უგულისყურობა ძნელად დამტევია რაიმე ძალისამებრი სიკეთისა, თუმცა მოწყალება და ლოცვა უკუიხმობს უგულისყუროთ (ე.ი. აღმოფხვრის მათში უგულისყურობას, დაუდევრობას, გულაყრილობას, და კვლავ ღვაწლისკენ მოაბრუნებს მათ).

თავს ნუ მიანებებ ლოცვას. უფრთხილდი დაუდევრობას და გულგრილობას. როცა დილით ლოცულობ და გრძნობ ლმობიერებას, მთელი დღე იფრენ, თითქოს ფრთები გამოგესხა. მაგრამ თუ დილას ლოცვის გარეშე იწყებ, ყველაფერი უკუღმა წაგივა.

თუ ქრისტეს წრფელი სიყვარულით არ გამოვირჩევით

ნუ დასჯი მკაცრად მცირე დანაშაულისთვის, თითქოსდა თვითონ სრულიად მართალი იყო; და ნურც ხშირად ამხილებ, რამეთუ ეს დამამძიმებელია, ხშირად მხილების ჩვევას უგრძნობლობასა და დაუდევრობამდე მივყავართ.

როგორ აზრებს ეძიებს ჩვენში უფალი?

ბოროტების (დაცემისა და თვით დაღუპვისაც - სათნოებებში მრავალწლიანი მოღვაწეობის შემდეგაც) დასაწყისი სიკეთისადმი დაუდევრობაა, ისევე, როგორც უკუნეთის დასაწყისი არის განშორება ნათლისა

სიმდაბლე საიმედო მეგზურია. იგი საშუალებას არ აძლევს თავმდაბალ ადამიანს, დაუდევრობის წყალქვეშა კლდეებზე დაიმსხვრეს, არამედ კარგი მეგზურივით უსაფრთხო გზას უჩვენებს მას.

155. ამჟამინდელი შეჭირვებანი წინდაწინვე თანაშეუნაცვლე სამერმისო სიკეთეებს და აღარასოდეს მოასუსტებს შენს შემართებას უზრუნველობა (ე.ი. შეცოდება, დაუდევრობა)

ძალიან ფრთხილად იყავი, არ გათამამდე, ყურადღება არ მიაქციო არც ერთ ბოროტ გულისსიტყვას, რადგან მაშინ ეს მცირე დაუდევრობა შენში დიდ ბრძოლას გამოიწვევს.

იცოდე – თუ მცონარე ხარ და დაუდევრად ლოცულობ, წარმატებული ვერ იქნები უფლისადმი ერთგულებაში და ვერც გულისსიტყვებისგან დამშვიდდები და ვერც გადარჩები.