მოწყალება - ციტატები, გამონათქვამები

მოწყალების გაღება სასარგებლოა, მაგრამ სხვების წყენა დამღუპველია

ზოგიერთნი მოწყალებას გაიღებენ, მაგრამ სხვებს ართმევენ

ვინც სხვას თავის მოწყალებას აყვედრის, ის სათნოებას არ იქმს, არამედ სახელს უტეხს მას.

თუ ვინმეს მოწყალებას მისცემ ღვთის სახელით, მას ნუღარ დააყვედრი; ვინც აყვედრის, ის ერთი ხელით აძლევს, მეორით კი თითქოს უკან ართმევს მიცემულს (ლუკა 6, 30).

ნუ შეგეშინდებათ თქვენი მოწყალების გამრავლების, მაგრამ ნურასოდეს ნურავის დააყვედრით მას, თუ გსურთ, მისი ნაყოფი მოიმკოთ.

კეთილი სული მოყვასისათვის წყალობას გაიღებს და არა მხოლოდ მის უმადურობას იტანს სულგრძელად, არამედ მოთმინებით იღებს მისგან შეურაცხყოფასაც.

ნუ დაამცირებ სათნოების ღირსებას მადლიერების სურვილით, როგორც - სანაცვლოთი; ნუ დაამცრობ ქველმოქმედების სიხარულს უმადურობაზე ფიქრით, რომელიც ქველმოქმედებას ზიანს არ აყენებს.

ნუთუ თავს შეიკავებ მოწყალებისაგან იმიტომ, რომ გამოსცადე, ან მოელი უმადურობას? გაიხსენე შენი მაცხოვარი, რომელმაც, თუმც კი ხედავდა ცხრა უმადურს ერთი მადლიერის გვერდით, თავი როდი შეიკავა ყველას მიმართ მოწყალებისაგან (ლუკა 17, 12-19).

ვერანაირმა უმადურობამ მოწყალებისაგან ვერ უნდა შეგაჩეროს

უკეთესია უმადურობას შევხვდეთ, ვიდრე - უბედურნი დავივიწყოთ