განსაცდელები - ციტატები, გამონათქვამები

განსაცდელის გარდა სხვა მაცხონებელი გზა არ არსებობს

ნუ იფიქრებ განსაცდელებზე, რომლებსაც სიზმარში ხედავ

ხსნის გზა ეკლიანია და გვტკივა, სისხლი გვდის

შვილო, როგორი ეკლიანიც უნდა იყოს ჩვენი ცხოვრების გზა, ქრისტე მოგვიწოდებს და გველოდება, გავიაროთ ის, რადგან ეს გზა პირველმა თვითონ განვლო.

ნეტარია, ვინც დაითმენს განსაცდელს, რადგან გამოცდილებას შეიძენს და საუკუნო ცხოვრების გვირგვინს მიიღებს (იაკ. 1, 12).

შვილო, მოთმინება იქონიე განსაცდელში, რომელსაც ღვთის სახიერება შენს სულს უგზავნის, უფრო მეტი სარგებელი რომ მიიღო. უნდა გიხაროდეს, რადგან ჩანს, რომ უფალს შენი სულიერი წინსვლა სურს, უმთავრესად სიმდაბლეში.

ყოველი სული თავისი შრომის, ტკივილისა და მწუხარების საზღაურს მიიღებს.

მწუხარებით, სნეულებით, ტანჯვით განუწყვეტლივ ვიღლებით, ეს ქვეყანა რომ შევიძულოთ და ის სოფელი ვისურვოთ, სადაც ღმერთს ქერუბიმნი და სერაფიმნი ადიდებენ, სადაც ნამდვილი განსვენება, ნეტარი ნათელი და დაუღამებელი დღეა.

დაიღალე? გიჭირს? გტკივა? მწუხარების სიმძიმისგან ტირი?

მწუხარებაში ქრისტეა, განსვენებაში – ეშმაკის სული