ღმერთი - ციტატები, გამონათქვამები

ხშირად მიმართე აზრითა და გულით უფალს - სათნოებათა სათავეს და თავადაც იქმ მისი შეწევნით კეთილ საქმეებს და მაშინ ნურც ნურავისი და ნურც ნურაფრის გეშინია ქვეყანაზე

ყოველივე სიკეთე მხოლოდ უფალშია, ისე რომ, მის გარეშე და მის გარდა სიკეთე არ არსებობს.

ყოველი სათნოების დასაწყისი არის უფალი, როგორც დღის სინათლისა - მზე

ვინაიდან უფალი არის შემოქმედი ყოველი სიკეთისა, ამიტომ ვერანაირი სიკეთე ვერ კეთდება უფლის გარეშე.

ბოროტების და ცოდვის ქმნა თავადაც შეგვიძლია და ვცოდავთ კიდეც, მაგრამ სიკეთის კეთებას უფლის გარეშე ვერ შევძლებთ.

შეიძლება ბევრის გაკეთება უფლის შეწევნით, ოღონდ, მთავარია, გინდოდეს ბევრის კეთება.

ამაოდ ადგებით ადრიანად და ხანგრძლივ საქმეს მიუჯდებით, თუკი უფალი არ დაგეხმარებათ.

ღმერთი მეგობრად მოიხვეჭე და ადამიანური დახმარება აღარც დაგჭირდება

როცა უფალი აწესრიგებს, მაშინ ძნელიც ადვილი ხდება

ღმერთი არ მიგატოვებს, მაგრამ გაფრთხილდი, რომ შენ თავად არ მიატოვო იგი