წმ. იოანე სინელი (კიბისაღმწერელი) - ციტატები, გამონათქვამები
წმ. იოანე სინელი (კიბისაღმწერელი) - ციტატები, გამონათქვამები წმ. იოანე სინელი (კიბისაღმწერელი) |
ვინც ლომს უალერსებს, ხშირად იმორჩილებს მას, ხოლო ვინც სხეულს აამებს, მის გაუმაძღრობას აძლიერებს
ურიას შაბათი და დღესასწაული ახარებს, ხოლო ნაყროვანი მონაზონი შაბათს და კვირა დღეებშია გახარებული. მარხვაში დღეებს ითვლის, თუ რამდენი დარჩა აღდგომამდე და მრავალი დღით ადრე იმზადებს სანოვაგეს
მუცლის მონა იმაზე ფიქრობს, თუ რა სანოვაგით დაუხვდეს დღესასწაულს, ხოლო მონა ღვთისა იმაზე ფიქრობს, თუ რა ნიჭებით შეუძლია გამდიდრდეს
როცა სტუმარი ეწვევა, ნაყროვანი ერთიანად სიყვარულითაა სიყვარულითაა აღძრული, რაც გაუმაძღრობიდან გამომდინარეობს და ჰგონია, რომ რადგან ძმისთვის ნუგეშისცემის შემთხვევა მიეცა, თვითონაც მაძღრისად ჭამის ნება აქვს. სხვისი სტუმრობა ღვი... იხილეთ სრულად
ხშირად პატივმოყვარეობა ნაყროვანებას აღუდგება წინ და ეს ორი ვნება საბრალო მონაზვნის - როგორც ნაყიდი მონის - დასაპყრობად ერთმანეთს ებრძვის. ნაყროვანება ჩააგონებს, რომ გაიხსნილოს, პატივმოყვარეობა სათნოებად წარმოჩინებას ლამობს. იხილეთ სრულად
თუ ხორცი გვძლევს, თავშეკავებით უნდა შევზღუდოთ იგი, ყოველ დროსა და ყოველ ადგილს. როცა ის მიწყნარდება (რისი იმედიც არ მაქვს ვიდრე სიკვდილამდე), მაშინ შეგიძლია, სხვათა წინაშე შენი თავშეკავება დამალო
თვალყური ადევნე და ნახავ, რომ მრავალი საჭმელი, მუცელს რომ ბერავს, სიძვის ვნებას აღძრავს
ისინი, ვინც არ დაცემულან, თავშეკავების ერთ სახეს უნდა აღასრულებდნენ და დაცემულნი და მონანულნი - მეორეს. პირველთათვის ხორცთა აღძვრის მოკვდინებაა მიზანი, მეორენი კი - გამუდმებით თავშეკავებაში არიან და არანაირ ხორციელ ნუგეშს არ სცნობ... იხილეთ სრულად
მხიარულებისა და საჭმლით ნუგეშინისცემის ჟამი სრულთათვის უზრუნველობის ჟამია; მოღვაწეთათვის ჟამი ბრძოლისა, ხოლო ვნებით შეპწრობილთათვის დღესასწაულთა დღესასწაული და ზეიმთა ზეიმი
იბატონე შენს კუჭზე, სანამ თვითონ გაგიბატონდება და მაშინ იძულებული გახდები, სირცხვილით მარხულობდე. ამ ნათქვამს კარგად გაიგებს ის, ვინც სიძვის უფსკრულში ჩავარდნილა, ქალწულებს კი ამის გამოცდილება არა აქვს