სიღარიბე - ციტატები, გამონათქვამები

განა ბევრი რამ არის საჭირო ამ ცხოვრებაში? წმიდანები ხომ მცირედითაც კმაყოფილდებოდნენ. ის მცირედი, რაც ბოძებული გვაქვს, ფუფუნებაა იმასთან შედარებით, როგორც წმიდანები ცხოვრობდნენ. გვრცხვენოდეს ჩვენი უგუნურების.

შინაგანად მდიდრები გარეგნულ სიღარიბეს ვერ გრძნობენ

ჩიტი მაშინაც დიდებით უგალობს შემოქმედს, როცა არც ბუდე აქვს და არც საკვები

თუკი არ ვიდარდებთ იმაზე, რაც არ გვაქვს, მაშინ ვისწავლით, ვმადლობდეთ იმისთვის, რაც გვაქვს.

სჯობს ითხოვო, ვიდრე მიიტაცო

სჯობს დაკარგო, ვიდრე სამარცხვინო გზით მოიპოვო

უმჯობესია მცირეოდენი, სიმართლით, ვიდრე ბევრი, - უსამართლობით

სჯობს სიღატაკეში იცხოვრო, ვიდრე - არამართებულად მოპოვებულ სიმდიდრეში

სიღარიბე არასწორად მოპოვებულ სიმდიდრეზე უმჯობესია

კეთილდღეობა შეიძლება, სიღარიბეზე საშიშიც იყოს და უბედურება კეთილდღეობაზე მაცხოვნებელი. ნუ შეგშურდება კეთილდღეობაში მყოფის და უბედურებისას გულს ნუ გაიტეხ.