თავმდაბლობა - ციტატები, გამონათქვამები

მოსეს რჯულით ისრაელს ნაბრძანები ჰქონდა მხოლოდ ერთ, ღვთისაგან დადგენილ ადგილას შეეწირა მსხვერპლი. სულიერი კანონით კი ქრისტიანთათვის დაწესებულია ერთი სულიერი ადგილი ყველა მათი მსხვერპლის - ლოცვის - შესაწირად; ეს ადგილი თავმდაბლობაა.

ამპარტავნება მადლს ვერ მიიღებს, რადგან საკუთარი თავითაა აღვსილი; თავმდაბლობას მადლის მიღება ძალუძს, რადგან უგულებელყოფილია როგორც საკუთარი თავისაგან, ასევე - ყოველგვარი ქმნილებისაგან.

მადლის ნაკადი მდინარის დინებასავით ვაკეზე გროვდება

თავმდაბალი გული ვაკეს ჰგავს. როგორც წვიმის დროს მთებიდან წყლები ჩამოედინებიან და ვაკეზე გროვდებიან, ასევე ყველა ადამიანზე გადმომდინარე ღვთის მადლი თავმდაბალ გულში გროვდება.

ვინც თავს ყველაზე უარესად თვლის და ფიქრობს, რომ ყველაზე უღირსია, იგი ყველაზე მეტის მიღების ღირსია.

თუ თავს უარესად მიიჩნევ, უფალი უკეთესად ჩაგთვლის

ღვთისაგან შენდობას ის მიიღებს, ვინც თავს დამნაშავედ გრძნობს

ღმერთი მხოლოდ მათ შეუნდობს, ვინც საკუთარ თავს თვითონ არ პატიობს

თუ სიამაყემ ანგელოზები სასუფევლიდან ჯოჯოხეთში ჩააგდო, მაშ, ამის საწინააღმდეგოდ უნდა დავასკვნათ, რომ თავმდაბლობას თვით ჯოჯოხეთიდან, ე.ი. ცოდვის სიღრმიდანაც კი შეუძლია, ზეცად აღიყვანოს.

გიყვარდეს თავმდაბლობა: იგი შენს ცოდვებს დაფარავს