ამპარტავნება, ქედმაღლობა - ციტატები, გამონათქვამები

მონაზონი ის არის, ვინც საკუთარი სული სიმდაბლის უფსკრულად აქცია და მასში დანთქა და მოაშთო ყოველგვარი ვნება

არიან ადამიანები, რომლებიც სიმდიდრეს ტრაბახობენ და არაფერი გააჩნიათ, სხვები კი დიდ სიმდიდრეში ცხოვრებისას თავს იმდაბლებენ

ეს ბილწი ვნება არამარტო წინსვლაში გვიშლის ხელს, სიმაღლეზე ყოფნისას ძირსაც გადმოგვაგდებს

ამპარტავანი გარედან ლამაზ და შიგნიდან დამპალ ბროწეულს ჰგავს

ამპარტავან მონაზონს ეშმაკი აღარ სჭირდება, რადგან იგი თვითონ არის მტერი და მოწინააღმდეგე საკუთარი თავისა

როგორც ნათელისთვის არის უცხო ბნელი, ასევე ამპარტავანი მონაზონი არის უცხო ყოველგვარი სათნოებისთვის

ამპარტავანთა სულში გმობის სიტყვები წარმოიშობა, ხოლო მდაბალ სულში ზეციური ხილვები

ქურდს მზე სძულს, ხოლო ამპარტავანს - სიმშვიდე და სიმდაბლე

არ ვიცი როგო მოხდა, მაგრამ ამპარტავანნი შესცდნენ, თავი ვნებათაგან უცხოდ წარმოიდგინეს და საკუთარ სიღატაკეს მხოლოდ სიკვდილის დროს მიხვდნენ

ვინც ამპარტავნების ბორკილითაა შეკრული, მისთვის ღვთის მიმართ ვედრება და ტირილია საჭირო, რათა ამ საშინელ წყვდიადს გადაურჩნენ, რადგან ამგვართათვის ადამიანური შეწევნა უსარგებლოა, თუკი თვით უფალი არ გამოუჩნდა შემწედ