ცოდვა - ციტატები, გამონათქვამები

ცოდვა თავისთავად სასჯელია (იერ. 2, 19; რომ. 2, 9), ისევე, როგორც სათნოება თავისთავად ჯილდოა (მათე 5, 6).

კარგია შენდობის თხოვნა (ღვთისა და ადამიანების წინაშე), მაგრამ უკეთესია, ისე არ მოიქცე, რომ შენდობის თხოვნა დაგჭირდეს.

საზოგადოებაში დამამცირებელი საქციელი ქრისტიანულ თავმდაბლობას არ ტოვებს

თუ ვინმე შენზე ჭორაობს, ნუ გაბრაზდები, არამედ იტირე და შეგრცხვეს - არა იმისა, რომ შენზე ჭორაობენ, არამედ იმ ცოდვის გამო, რომელმაც ასეთ არაწმიდებაში ჩაგაგდო.

თუ გაურბიხარ ხალხის ჭორაობას შენი საქციელის შესახებ, მაშინ ეს საქციელი შეწყვიტე და ჭორიც აღარ იქნება.

ცხოვრებისეული უსიამოვნებები უნდა გამოვიყენოთ, ვნახოთ, რომელმა გაუფრთხილებელმა ნაბიჯმა მიგვიყვანა აქამდე და მომავლისათვის საკუთარ თავს სიფრთხილის კანონი დავუწესოთ.

ვინც რას დასთესს, - იმასვე მოიმკის. ასევე, როდესაც ნებაყოფლობით ვთესავთ, ჩვენი ნების წინააღმდეგ მოვიმკით ბოროტებას, ამაში ღვთის სამართალი უნდა დავინახოთ.

ვინც რითი სცოდავს, უმეტესწილად იმითვე ისჯება; ზაქარიამ ბაგეებით შესცოდა, ამითვე დაისაჯა (ლუკა 1, 20). ასეთია ღვთის სამართალი!

ბოროტი შენაძენი ბოროტადაც დაიხარჯება

თუ ცუდი საქმისაგან შემოსავალს იღებს უბედურების წინამორბედად მიიჩნიე