სულიერი მდელო - ციტატები, გამონათქვამები

ეცადეთ, რომ ყოველთვის იყოთ არა მხოლოდ მსმენელნი ქრისტეს სიტყვისა, არამედ - ცხონების საქმის მოქმედნი

მოსმენილი ღვთის სიტყვა (მქადაგებლის ბაგიდან ან წაკითხული წმიდა წერილი) მეტად საზიანოდ გადაიქცევა იმისთვის, ვინც ისმენს და მისი მეშვეობით არ გამოსწორდება

ადამიანის ნაკლია - არ იცოდეს წმიდა წერილი, მაგრამ ორმაგი ნაკლია, რომ იცის, მაგრამ უგულებელყოფს მას

უფალი ჩვენი იესო ქრისტე, თავისი უსაზღვრო სიყვარულის გამო, იმისათვის, რომ ჩვენ ვექციეთ იმად, რაც თვითონ არის, იქცა იმად, რაც ჩვენ ვართ

ძე ღვთისა ზეციდან იმიტომ ჩამოვიდა, რომ ჩვენ ავეყვანეთ ზეცაში

ღმერთი ადამიანამდე დამდაბლდა, რათა ადამიანი აეყვანა ღმერთამდე

ჩვენ სული და სხეული ვართ; იესო კი - ღმერთი, სული და სხეული

იესო იოსებ "ტექტონის" შვილობილია, ხოლო ჭეშმარიტი ძე - შემოქმედისა, რომელმაც შექმნა ზეცა და მიწა. ტექტონი - (მთ. 13, 55)ბერძნულიდან თარგმანში ნიშნავს ხუროს, რომელიც იყო იოსები, მარიამის ქმარი (ხალხის თვალში) - არქიტექტონი (1 კორ. 3... იხილეთ სრულად

ძე ღვთისა ამქვეყანას მოევლინა სულით, სხეულითა და ღვთაებრიობით, რათა როგორც უფალს, სული და სხეული ეხსნა სიკვდილისაგან

სიტყვამ, რომელმაც კაცთმოყვარეობის გამო ხორცი შეისხა, არ შეცვალა არც ის, რაც იყო, არც ის - რადაც იქცა