სწავლანი - წმ ნილოს სინელი - ციტატები, გამონათქვამები
სწავლანი - წმ ნილოს სინელი - ციტატები, გამონათქვამები სწავლანი - წმ ნილოს სინელი, წიგნი, ციტატები
21. მუშაკობდი გონებასა შენსა წურთითა შჯულისაითა; რამეთუ აღმოჰფხურის ბოროტთა გულისსიტყუათა ზედაისზედა წურთითა თვისითა
23. მოიძულენ ხორცთა გემოვნებანი, რამეთუ ხორცთავე თანა სულსაცა ბიწიან ჰყოფენ
24. მხოლოდ მას მისცემდი ხორცთა, რაოდენი უხმს მიღებად, და ნუ რაოდენი ჰნებავს
25. ნუ გიყუარს შუებაი, რამეთუ შეგიქმს სიყუარულსა სოფლისა ამის მიმართ, და მტერობაი ღმრთისაი ამათ ორთაგან იშვების
29. რაოდენი რაი სცოდე, ყოველსავე სულთქუმით იხსენებდ; რამეთუ ამიერ შეექმნების სულსა სამარადისოი ლმობიერებაი
სახმარსა წმიდათასა ეზიარებოდე, რამეთუ ამათ მიერ იქმნების ღმრთისა მიმართცა ზიარებაი შენი
28. საჭურველად შეჰრაცხე მარხვაი, და ლოცვაი - ზღუდედ, ხოლო ცრემლნი - საბანელად
26. გარე-მიაქცევდ საწუთოთა სიხარულითა რომელნი-იგი უბრკუმენ და შეაცთუნებენ მოხარულთა