მამობრივი დარიგებანი - ციტატები, გამონათქვამები

ვინც ენას დაიცავს, ის თავის სულს დაიცავს დიდი ცოდვებისა და დაცემისგან.

თითოეულმა თავი ყველაზე უარესად ჩავთვალოთ

თუ ძმის საქციელი ან მონასტრის რაიმე საქმე განკითხვისკენ გიბიძგებს, შეეცადე ილოცო და შენებური ლოგიკით არ განსაჯო.

ნუ განიკითხავთ ერთმანეთს, რადგან ამით სახარებისეულ მცნებას არღვევთ და „ყოველმან სჯულისა გარდამავალმან და ურჩმან მიიღოს სასჯელი კუალადგებისაი“ (ებრ. 2, 2). „შენ ვინ ხარ, რომელი განიკითხავ სხვისა მონასა?“ (რომ. 14, 4)

განკითხვა ისეთივე მნიშვნელოვანი ცოდვაა, როგორც მოყვასის უძლურებების მოუთმენლობა.

ავადმყოფი არასდროს განიკითხავს ავადმყოფს

ერთმანეთის უძლურებანი უნდა მოითმინოთ.

რომელმან აღიმაღლოს თავი თვისი, იგი დამდაბლდეს!

ჩვენ ყველას ღვთის მოწყალება განგვამტკიცებს. თუ ამპარტავნება მოგვეძალება, უფალი თავის მადლს განგვაშორებს და სხვებზე უარესები გავხდებით.

ფრთხილად იყავი, შვილო, არავინ განიკითხო, რადგან ვინც მოყვასს განიკითხავს, ღმერთი მის დაცემას დაუშვებს და ამით უძლური ძმის თანაგრძნობას ასწავლის.