სულიერი მდელო - ციტატები, გამონათქვამები

ყოველთვის იყავი ღმერთთან, თუკი გინდა, რომ ღმერთიც შენთან იყოს

თუ ყოველთვის გემახსოვრება, რომ უფალი ხედავს ყოველივე იმას, რასაც სულითა და სხეულით იქმ, არაფერში შესცოდავ

ყოველი საქმის ქმნისას გონებაში გქონდეს, რომ ღმერთს ყოველი შენი გულისთქმა ესმის და არასდროს შესცოდავ.

ღვთის ყოვლისმხილველი თვალისგან ვერ დაიფარება არა მხოლოდ აშკარა, ან კაცთაგან ხილული რამ, არამედ ჩვენი საიდუმლო საქმენი და - არა მხოლოდ საქმენი, არამედ - თავად ჩვენი გულისთქმებიც კი (აპოკ. 2, 23, ებრ. 4, 13).

წარმოიდგინეთ ყველაზე ბნელი ღამე, ყველაზე შავი მარმარილო და ყველაზე მუქი ჭიანჭველა. ასეთ უვარსკვლავო ღამეში, ასეთ მარმარილოზე ღმერთი არა მხოლოდ ხედავს მასზე მოსიარულე ჭიანჭველას, არამედ ესმის მისი ფეხის ხმა

თუ გსურს, ყოველი შენი საქმე კეთილად წარმართო, წარმოიდგინე, რომ ღმერთი მუდამ გიმზერს

თუკი მეფის წინაშე თავს უბრალო დაუდევრობის უფლებას არ ვაძლევთ, განსაკუთრებით - უწესობისა, არამედ ვცდილობთ, რომ ყოველი ჩვენი სიტყვა, ყოველი მოძრაობა მისთვის სასიამოვნო იყოს: მით უმეტეს ის ადამიანი, ვისაც წარმოუდგენია, რომ ყოველთვის ... იხილეთ სრულად

თუ შენივე მსგავსი ცოდვილებისა გრცხვენია, რომ მათ ცოდვის ჩადენისას არ გნახონ, რაოდენ მეტად უნდა გეშინოდეს უფლისა, რომელიც სრულყოფილად ჭვრეტს შენი გულის დაფარულ ზრახვებს

ღმერთი თავისი დიდების გამოსავლენად თვით მტრებსაც კი იარაღად იყენებს

ყველა უძლურია იქ, სადაც ღმერთი თავის ძალას გამოავლენს