წმ. ამბროსი მედიოლანელი - ციტატები, გამონათქვამები

ყველა ცოდვა ბერდება ადამიანთან ერთად; მხოლოდ მომხვეჭელობა ახალგაზრდავდება დღითი დღე

როგორც ცეცხლი მოედება შეშას, უფრო და უფრო ღვივდება და ვრცელდება, ისე ვერცხლისმოყვარეობაც, თავდაპირველად პატარა ნაკადულის მსგავსი, საბოლოოდ უსაზღვრო ოკეანედ იქცევა.

სიმდიდრე ბოროტთათვის დაბრკოლებაა, ხოლო კეთილთათვის – სათნოებათა მოპოვების საშუალება

"მე რომ მდიდარი ვყოფილიყავი, – ამბობს მავანი, – მთელ ქვეყანას გავამდიდრებდი!.." სისულელეა. ხშირად ჩვენ, სიმდიდრეში მყოფნი, კაპიკს უფრო ვუფრთხილდებით, ვიდრე მანეთს – სიღარიბეში.

ვისაც სიმდიდრე უყვარს, მას არ ძალუძს მოყვასის შეყვარება

ბრძენი ბევრს იფიქრებს, ვიდრე რაიმეს იტყოდეს, სახელდობრ: რა, ვის, სად და როდის უნდა უთხრას.

თუ ვიფიქრებთ, რა გააკეთეს ჩვენთვის ჩვენმა მშობლებმა, თავზარდაცემულნი დავრჩებით ჩვენი ვალის განუსაზღვრელობით.

ჭრილობებს ღვინით ბანენ და ზეთით მკურნალობენ. ასევეა აღზრდის დროსაც: შემწყნარებლობა შეერთებული უნდა იყოს სიმკაცრესთან.

მინახავს საკუთარი სიტყვებისაგან მრავალი ცოდვით დაცემული, მაგრამ თითქმის არავინ მდუმარებით.

ბოროტთა სიმშვიდე იმის ნიშანია, რომ ისინი უკვე ცოცხლად არიან დამარხულნი ჯოჯოხეთში.