წმ. ტიხონ ზადონელი - ციტატები, გამონათქვამები

როგორც ნათქვამი სიტყვის, ასევე დაკარგული დროის მოძებნა შეუძლებელია

გარეგნული, ხილული სიკეთე შინაგანის გარეშე მლიქვნელობა და ტყუილია

პირფერს ენაზე თაფლი აქვს, გულში კი ღვარძლს ატარებს, სიტყვით მშვიდობას გპირდება, საქმით კი მახვილს გიმზადებს.

პატივის ღირსი არაა, ვინც პატივს ეძებს

ვინაიდან უფალი არის შემოქმედი ყოველი სიკეთისა, ამიტომ ვერანაირი სიკეთე ვერ კეთდება უფლის გარეშე.

ადამიანს შეუძლია საკუთარი თავის დაღუპვა და იღუპავს კიდეც, მაგრამ გადარჩენა თავისით არ ძალუძს.

შენ შვილების ხორციელ მამად იწოდები; სულიერი მამაც იყავი

ვისაც დიდი სურს, იგი მცირეს არ დაეძებს და ვინც მარადიულ ნეტარებას ეძიებს, ის დროებითს არად აგდებს.

როგორც ცეცხლის თვისებაა თბობა, წყლის - მორწყვა, ნათლის - ნათება: ასევე ცხოველ რწმენას ახასიათებს გამოვლენა კეთილ საქმეებში.

ღვთის მადლი მხოლოდ მათ აცხოვნებს, ვისაც სურს და არა - მათ, ვისაც ეს არ სურს