წმ. იოანე ოქროპირი - ციტატები, გამონათქვამები

ჯერ ტაცებას დაანებე თავი, შემდეგ კი მოწყალება დაიწყე. "მოიქეც ბოროტისაგან და ჰქმენ კეთილი" (ფს. 36, 27).

თუ პურს მწუხარე გულით აძლევ, პურსაც დაკარგავ და ჯილდოსაც

მხოლოდ ის მოწყალებაა ჭეშმარიტი, რომელიც სიხარულით გაიცემა

მოწყალება ის კი არ არის, რომ მხოლოდ ფული მისცე, არამედ ის, რომ ქრისტიანული გულმოწყალებით მისცე.

მოწყალების ძალა იმაში კი არ არის: ბევრს გაიღებ თუ ცოტას, არამედ იმაში, რომ მისცე არანაკლები, ვიდრე - შეგიძლია.

უდიდესი საქმეა - ადამიანი! ამაზე უძვირფასესია მოწყალე ადამიანი

განა მოწყალების გაცემით შენი სიმდიდრე ამოიწურება? იგი არათუ არ ამოიწურება, არამედ - ზეციური მადლიც მიემატება.

მიწაზე მწოლისთვის მიცემით ზეცაში დაბრძანებულს აძლევ

ღარიბი ხელი ქრისტეს საგანძურის მცველია: რასაც ღატაკი ღებულობს, მას ქრისტე იღებს.

მოწყალებას ღატაკს აძლევ, ქრისტე კი ღებულობს მას