აბბა ისაია განდეგილი - ციტატები, გამონათქვამები

რისი გაკეთებისაც ადამიანთა თანდასწრებით გრცხვენია, მასზე ფიქრიც კი უწესობად ჩათვალე.

ვიდრე ცოცხალი ხარ, ნუ ენდობი საკუთარ თავს, ვიდრე ბნელეთის ყველა ხელისუფალს უკან არ მოიტოვებ.

როგორც ადამიანს უკანასკნელ ამოსუნთქვამდე არ შეუძლია იცოდეს, რა ავადმყოფობა შეიძლება შეეყაროს უეცრად, ასევე არავის, ვიდრე პირში სული უდგას, არ ძალუძს იმედოვნებდეს, რომ გულში რაიმე ცოდვა არ შეეპარება.

თავს ნუ აღიმაღლებ რწმენითა და საკუთარი სიწმიდით, არამედ უკანასკნელ ამოსუნთქვამდე შიში გქონდეს.

ამაოა იმის შრომა, ვინც თავმდაბლობის გარეშე ბევრს მარხულობს და მძიმე ღვაწლშია.

თუ ლოცვასა და ღვაწლს თავმდაბლობით აღასრულებ, როგორც უღირსი, ისინი ღვთისთვის სათნო იქნება; ხოლო თუ გაიხსენებ სხვას - მიძინებულსა და ჯერ კიდევ დაუბადებელს და გულს გაიამპარტავნებ, ამაო იქნება შენი შრომა.

საკუთარი თავის დამამცირებელმა ცხონების სწორი გზა ჰპოვა

ნეტარია თვალი, რომლის ზეაღხილვასაც ადამიანი თავმდაბლობის გამო ვერ ბედავს

ყოველთვის, როდესაც შენს შეურაცხმყოფელებსა და მდევნელებს გაიხსენებ, ნუ დაიჩივლებ მათზე, უმჯობესია, ილოცო მათთვის, როგორც შენთვის მადლის მომნიჭებელთათვის.

სადაც მშვიდობა არ არის, იქ არ არის ღმერთი