წმ. ნილოს სინელი - ციტატები, გამონათქვამები

რომ არ ყოფილიყო ჩვენი გამომცდელი და შემავიწროვებელი ეშმაკი, მაშინ გამოაშკარავდებოდა ვინ არის გულმოდგინე, ვინ კი ზარმაცი.

გიხაროდეს ქველმოქმედება, როდესაც კეთილად იქცევი, მაგრამ მისით თავს ნუ აღიმაღლებ, რათა მყუდრო სავანეში არ დამარცხდე.

ნუ იტყვი: "შურს ვიძიებ მტერზე!" ზეცაში მართლმსაჯული გვყავს

ვინც ავმეხსიერია ეშმაკის მიმართ, იგი კაცთა სიავეს არ იმახსოვრებს; მაგრამ ეშმაკთან მშვიდობას ამყარებს ის, ვინც ძმის მიმართ ავმეხსიერია.

ბრმაა მოწყალების გამღები, თუ ის უსამართლოა; ამუშავებს ყანას, საიდანაც მოსავლის აღება არ შეუძლია.

გამოკვებე გლახაკები - ისინი საუკუნო მსაჯულის გულს მოალბობენ შენდამი

მრავალი ნაყოფისაგან ხის ტოტები იღუნება, მრავალი სათნოებისაგან კი ადამიანში მისი აზრები მდაბლდება.

უბოროტობაში გულით ივარჯიშე, სხეულით კი - სიწმინდეში; ერთიც და მეორეც ღვთის ტაძრად გაქცევს.

გიყვარდეს ღვთის სახლები, მაგრამ საკუთარ თავშიც ააშენე ღვთის ტაძარი

ღვთის მცნებებს რომ არ ემორჩილები, ამით მხოლოდ იმას მიაღწევ, რომ შენთვის წმინდანების მიერ აღვლენილი ლოცვაც კი არ შეისმინება