წმ. ნილოს სინელი - ციტატები, გამონათქვამები

ქარი ადამიანის კვალს შლის, პატივმოყვარეობა კი მოწყალებისა

პატივმოყვარე მოსაგრე უფასო მუშაკია; იგი შრომობს, მაგრამ სასყიდელს ვერ მიიღებს.

როგორც აბლაბუდაზე შემდგარი კაცი ეცემა და დაბლა ვარდება, ასევე ვარდება ის ადამიანიც, ვინც მხოლოდ საკუთარ ძალებს ეყრდნობა.

ხმელი და მწირი საკვების წყალობით აზრები ნათელი ხდება, ხოლო ფუფუნებით ცხოვრება გონებას წყვდიადში ჩაძირავს.

ყოველი სვეტი მტკიცე საფუძველს ემყარება, მრუშობის ვნება კი ნაყროვანებაზეა დაფუძნებული.

ნაყროვანი კაცის გონება სულ იმას ითვლის, თუ როდის უწევს მოწამეთა ხსენება (რათა იღრეოს დღესასწაულის საბაბით). კეთილკრძალულის გონება კი მათ ცხოვრებას ბაძავს.

დიდხანს დაუმუშავებელი მიწა ეკალ-ბარდებს აღმოაცენებს, ნაყროვანებით ძლეულის გონება კი ბილწ აზრებს წარმოშობს.

ვინც მწუხარებით არის შეკრული, იგი ვნებებს დაუმარცხებია და თავისი დამარცხების ნიშნით მწუხარების ბორკილებს ატარებს, რამეთუ მწუხარება ხორციელ სურვილთა დაუკმაყოფილებლობას მოსდევს, ხოლო ეს სურვილები ვნებებთანაა შეუღლებული. ვისაც სურვილ... იხილეთ სრულად

ვინც გაიმარჯვა სურვილებზე, მან დაამარცხა ვნებები, ხოლო ვინც დაამარცხა ვნებები, მას ვერ დაიმორჩილებს მწუხარება. მომთმენი არ წუხს, რომ ვერ იშოვა საზრდელი; უბიწო არ წუხს იმის გამო, რომ ვერ დაიკმაყოფილა ბილწი ვნება, ურისხველი - ... იხილეთ სრულად

ნუ იტყვი: „მტერს საზღაურს მივუზღავ“, რადგან ზეცაში გვყავს მართლმსაჯული. არა მარტო კაცთა შორის უნდა ეძიო მშვიდობიანი კავშირი, არამედ შენ სხეულში, შენ სულში, შენს სამშვინველში.