წმ. ნილოს სინელი - ციტატები, გამონათქვამები
წმ. ნილოს სინელი - ციტატები, გამონათქვამები წმ. ნილოს სინელი | გამონათქვამები, ციტატები
52. ფრიად ერიდე სიცილსა, რამეთუ დაჰხსნის სულსა; რომელი-იგი დაიხსნას რაი, ადვილად წარიყრის აღვირსა შჯულისასა
51. ბოროტნი მოგონებანი თესლყოფად ეშმაკისა ირწმუნენ; რამეთუ ესრეთ იგინიცა დასცხრენ, და მთესვარსა ჰრცხუენეს
50. რაჟამს ღმრთისათვის რაიმე მოიგონო, უკუეთუ მდაბალი იყოს, აღამაღლებდ, ხოლო უკუეთუ მაღალი, დაამდაბლებდ, ნუ ღმერთსა, არამედ თავსა თვისსა. რამეთუ არარაი უცთომელ არს ზეშთა საზომისა მის, რომელსა დავიტევდეთ აღრჩევად
49. იგონებდი ზეცისა კეთილთა შუენიერებასა და არარაი ოდეს შემოგიხდეს შენ სურვილი ქუეყანისაი, ანუ მის მიმართა შუებათაი
48. ბოროტნი გულისსიტყუანი სხუათა კეთილთა გულისსიტყუათა მიერ აღმოყარენ
47. ესოდენ იღუწიდ, რაოდენ სტანჯე ხორცთა აღძრვანი; ხოლო დასნეულდენ თუ სიმრთელედ ოდენ, და ნუ შუებულებადცა ჰკურნებ ხორცთა
46. გიხაროდენ სიმდაბლისათვის; რამეთუ მის მიერ სიმაღლე მრავალ, და დაცემად ვერ შემძლებელ არს
45. არა დასცხრების გონებაი შობად გულისსიტყუათა; ხოლო შენ დრკუთა მარგლიდ, და კეთილთა იმუშაკებდ
44. ილოცვიდე რაი, ღმრთისა მიმართ აღიყვანე გულისსიტყუაი შენი; დაღათუ მიმოგანბნევით განვიდეს მიერ, კუალად მუნვე შეიყვანე