წმ. იოანე სინელი (კიბისაღმწერელი) - ციტატები, გამონათქვამები

უბრალოება სულის მარტივი წესია, რომელიც უძრავია ბოროტებისადმი

მზაკვრობა არის ხელოვნება, ან უკეთ რომ ვთქვათ, ეშმაკეული სისაძაგლე, რომელიც შორსაა ჭეშმარიტებისაგან

ორგულობა ბოროტი წესია, რომელიც მზაკვრობითაა შექმნილი და სულისა და გონების დამაბნელებელია

უბრალოება არის წრფელი აზრები, მართალი ბუნება და ჭეშმარიტი სიტყვა - არც გამოგონილი და არც წინასწარგამზადებული

უმანკოება სულის მხიარულებაა, რომელიც სრულიად განშორებულია მზაკვრობას

უმანკოება თვისებაა წმიდა სულისა, რომელიც ისეთივეა, როგორც თავიდან იყო შექმნილი და ყველასადმი კეთილი, ტკბილი და უშფოთველია

მზაკვარი კაცი ეშმაკის მოყვასი და მეგობარია, უფალი გვასწავლის, რომ ამისთანების შესახებ ვთქვათ: "გვიხსენ ჩვენ ბოროტისაგან" (მათ. 6,13)

უნდა გავურბოდეთ მზაკვრობის უფსკრულს, უკეთურების მჭვიმეს, რადგან ნათქვამია: "უკეთურნი ადრე მოისრან" (ფს. 36,9), "ვითარცა თივაი მსთუად განხმენ" (ფს. 26,2), რადგან ეშმაკის საძოვარნი არიან ისინი

როგორც სიყვარულია ღმერთის სახელი, ასევე - სიმართლე, ამიტომ მიმართავს ბრძენთა ბრძენი "ქებათა ქებაში" წმიდა გულს: "ღირსად შეგიყვარეს შენ" (ქებ. 1,4)ხოლო მამამ მისმა თქვა: "ტკბილ და წრფელ არს უფალი" (ფს. 1,3). და მის მიმსგავსებურთა შ... იხილეთ სრულად

უბრალოების სადარი არაფერია, ამიტომ იყო, რომ ვიდრე მას ფლობდა, ადამს თავისი სულის სიშიშვლე და ხორცის სირცხვილი არ უხილავს