წმ. ნილოს სინელი - ციტატები, გამონათქვამები
წმ. ნილოს სინელი - ციტატები, გამონათქვამები წმ. ნილოს სინელი | გამონათქვამები, ციტატები
102. გნებავს თუ, რაითა სატანჯველისა სატკივარობასა განერე, ნუოდეს ვის აგინებ; რამეთუ ამით განრისხნების ღმერთი
101. მარადის ისწრაფე წარმართებად კეთილთა შინა; რამეთუ რომელი მცირედსა მცირედსა ზედა დაჰრთვიდეს, მცირედსა შინა დიდსა სიმდიდრესა შეიკრებს მრავალთა მიერ საძიებელსა
100. აჩრდილსა, და ურემსა, და კუამლსა მიამსგავსენ შემაწუხებელნიცა და მახარებელნი ამის სოფლისანი; რამეთუ ვითარცა აჩრდილნი არა დაადგრებიან, და ვითარცა კუამლი ივლტიან, და ვითარცა ურემი იქცევიან
99. რაჟამს უპატივო იქმნე, გიხაროდენ; რამეთუ უკუეთუ უსამართლოდ იგინე, დიდ არს სასყიდელი შენი; ხოლო უკუეთუ სამართლად, აღსუბუქნე სადმე საგუემელისაგან, უკუეთუ ოდენ განჰბრძნდე
98. რომელთათვის-იგი ღმრთისაგან განისწავლებოდი, ნუ სდრტვინავ. რამეთუ ვითარცა მამაი გსწავლის, და ვითარცა ქველისმოქმედი ღირს მადლობისა არს
97. ყოვლისა ხრწნილებისაგან განეშორე და საიდუმლოისა სერისაგან ყოველსა დღესა მოიღებდ; რამეთუ ესრეთ ხორც ქრისტესსა იქმნებიან ჩუენნი ესე
96. უდებებით მცხორებელსა ნუ მიიყვანებ თანამზრახველად; რამეთუ ბოროტთა ზედა მოხარული, კეთილთა სძულობსცა და ზრახებად არა თავს-იდებს
95. გნებავს თუ ტაძარ ღმრთისა ყოფაი, მსხუერპლად შეყუარებულად სამარადისოი ლოცვაი მოართუ მას
94. ნურარას ჰგონებ უდიდებულეს სიბრძნისმოყუარებისა; რამეთუ არს იგი დედა შჯულისა, და თანა-მოსაყდრე ღმრთისა მეუფებისაი
93. სიწმიდით შეიყუარე ღმერთი; რამეთუ წმიდაი არს, და ყოველთა ზედაისა მისსა ყოველივე მეორედად შეგერაცხენ