წმ. ნილოს სინელი - ციტატები, გამონათქვამები
წმ. ნილოს სინელი - ციტატები, გამონათქვამები წმ. ნილოს სინელი | გამონათქვამები, ციტატები
82. სიბოროტე მაშინ მოიძულო, რაჟამს გულად-იღო, რამეთუ აღლესულ მახვილ ბოროტისა არს იგი ჩუენ ზედა
81. სათნოებათა დიდებასა წმიდათაგან იჭვირობდი; რამეთუ უკუდავად დაადგრებიან მათნი დიდებანი შემდგომად სიკუდილისაცა
80. კრებაი თუ აღესრულებოდის, ეკლესიად მივედ, ხოლო თუ არა აღესრულებოდის, შენ იკითხევდ ფსალმუნსა, სამოციქულოსა, სახარებასა
79. სახლად-სახლადისა ეკლესიად თითოეულსა თვისი გონებაი გუაქუს; და მას შინა თანამდებ ვართ სრულყოფად წესთა ეკლესიისათა
78. მარადის მოსწრაფე იყავ სმენად და სიტყუად წმიდათასა; რამეთუ ბაძვად კეთილისა აღგიდგინებენ სულსა
77. ასწავებდ მცოდველსა და ნუ ძვირსა უზრახავ დაცემულსა; რამეთუ მეორე ესე მაგინებელისაი არს, ხოლო პირველი - თანალმობილისაი
76. ნუ თანა-მოსაჯულ ხარ ბოროტთა, რამეთუ მათ სიბოროტედ ცხებულ-ჰყოფ, და თავსა თვისსა შეამწიკულებ ზიარებითა წყლულებისაითა
75. ნუვისდა მოკიდულ ხარ გარეგან შჯულისა ღმრთისა, ნუცავის თანა-გელმის; რამეთუ უღირს მისსა ჰყოფს მას, რომელი რასაცა უფროის მისსა პატივ-სცემდეს
74. მოყუსისა მიმართ სიყუარულისათვის ნურარაი გცონის, გარნა ეგოდენ, რაოდენ მისსა მიმართი სიყუარული ღმრთისა მიმართსა სიყუარულსა შენსა არა ავნებდეს
73. უხმს მორწმუნესა დამდაბლებაი ყოველთა მიმართ; რამეთუ ზოგთა ვიეთმე მიმართ მდაბლობაი ზმნილობასა აჩუენებს სიმდაბლისასა