წმ. ნილოს სინელი - ციტატები, გამონათქვამები
წმ. ნილოს სინელი - ციტატები, გამონათქვამები წმ. ნილოს სინელი | გამონათქვამები, ციტატები
92. უკუეთუ ბოროტითა რაითმე ჩუეულებითა შეპყრობილ ხარ, მცირედ-მცირედ მოიკუეთე იგი, და თვინიერ მრავლისა შრომისა აღმოჰფხურა ეკალი სულისაი
91. მოსწრაფებითა მრავლითა მიაქციე თუალი შენი საწუთოისა ამისგან; რამეთუ კუამლი ბოროტი შემამრღუეველი არს სულისაი აღმოვალს მიერ
90. ჰბრძოდე ბოროტთა გულისსიტყუათა, და იტყოდე მათდა მიმართ, რაოდენი შჯულსა შინა თქუმულ არს
89. პირველ ჭირისაცა იღუწიდ მოგებად მოთმინებისა, რაითა ჰპოო იგი ჭირთა შინა ყოვლადსაჭურველად მომზადებულად
88. ნუ იქმნები სულმოკლე აღსრულებისათვის მცნებათაისა; რამეთუ ესევითართა მათ ურგები შრომაი შრომასა ზედა დაერთვის
87. ესრეთ ჰრბიოდე, რაითა ეწიო, ესე იგი არს დაუცხრომელად. რამეთუ ჯერ-არს სათნოებასა შინა სრბაი, ვიდრე განსლვადმდე ამის საწუთოისა სტადიონით
86. მარადის კეთილთა საქმეთა შინა მოსწრაფე იყავ, ნუსადა კერძო სრულად დამტევებელი მათი წარხვიდე
85. განცხადებულისა ცხორებისა თანა დაფარულთაცა სათნოებათა მიერ განშუენდი; რამეთუ სული არცა სათნოებისაი, არცა სიბოროტისაი დაიმალვის
84. რაჟამს წმიდათა ეზრახებოდი, იკითხვედ მათგან სულისათვის, ხოლო რაჟამს არა ესევითართა ჰზრახვიდე, თვით შენ იტყოდე სულისათა
83. უკუეთუ ასწავებ მცოდველსა, შეზავენ თანალმობითა სიტყუანი შენნი, და ესრეთ ყური მისი მოლბების, ხოლო გული განათლდების