წმ. ნიკოლოზ სერბი (ველიმიროვიჩი) - ციტატები, გამონათქვამები

გულისთქმა მხოლოდ ცოდვა არ არის, იგი ცოდვის დასაბამია, ცოდვის თესლია და ძირი. გულთამხილავი ღმერთი იმათაც ამხელს, ვინც ბოროტს ფიქრად გაივლებს.

ხორციელი თავშეკავება ქრისტიანისთვის პირველდაწყებითი სწავლებაა. ამის შემდეგ მეტი მოგვეთხოვება, ვისწავლოთ გონების, გულისა და ნების მოთოკვა. გონებას თუ მოვთოკავთ, მასში უწმინდურ ფიქრებს ადგილი აღარ ექნება. გულს თუ მოვთოკავთ, ვნებიანი... იხილეთ სრულად

კეთროვანის მიმართ განა ვინმეს შური აღეძვრება? ცხადია არა. რატომ შურთ ზოგჯერ ბოროტი ადამიანის, მაშინ როცა ბოროტება სნეულებაა, საშინელი კეთრი. კეთრი ხორციელი სნეულებაა, ბოროტება კი - სულიერი.

შური ყოველთვის არ გამოაჩენს თავის ჭეშმარიტ სახეს

ვინც ეშმაკის გზას დაადგა და იმასთან საკმაო მანძილი განვლო, წრფელ გზას ძნელად უბრუნდება.

ეშმა კაცთა მოდგმის მოსისხლე მტერია. დასაბამიდან კაცის მკვლელი. ადამიანის წინააღმდეგ მან ყოველგვარი ხერხი გამოიყენა და ახალ მზაკვრობას დღენიადაგ იგონებს, რათა წარწყმიდოს.

გახსოვდეს, ეშმა ისეთივე ხანდაზმულია, როგორც ეს სოფელი, უფრო ხანდაზმულიც კი

ადამიანებს ეშმაკისთვის საქმე რომ არ გაეჩინათ, მას გასაკეთებელი არაფერი ექნებოდა.

ადამიანისთვის ადვილია ცხოველებთან ბრძოლა. ამისთვის მას იარაღი გააჩნია, მაგრამ მისთის ძნელია ბოროტ სულებთან შერკინება, რადგან ბოროტი სულები ისეთ იარაღს ფლობენ, ადამიანს რომ არ გააჩნია.

თუ ურწმუნო ადამიანი ბრძოლაში გიწვევს, უგუნური შეურაცხგყოფს, გაბოროტებული გდევნის, ჩათვალე, რომ ეს ბოროტისგან არის, რამეთუ ადამიანი ბუნებით ღვთისმოსავია, კეთილი და გონიერი.