წმ. ეფრემ ასური - ციტატები, გამონათქვამები

კარებს მიღმა რჩება (ღმერთამდე ვერ აღწევს და შესმენილი არ არის) ის ლოცვები, რომლებსაც (უფალთან ასულებს) სიყვარული არა აქვთ, რადგან მხოლოდ სიყვარული უხსნის კარს ლოცვას

მოიპოვე ბეჯითობა, ეს დიდი საუნჯე სიბრძნისა; და განეშორე სიზარმაცეს, ყოველივე უბედურების შესაკრებელს.

კეთილ არს სიბრძნე უფროის ჭურჭელთა ბროლისათა (ეკლ. 9. 18). სწავლა უმჯობეს არს სიმდიდრეზე. პატარა, მაგრამ ბრძენი ჭაბუკი, უმჯობესია მოხუცებულ, მაგრამ სულელ მეფეზე.

თუ გაქვს ოქრო და ვერცხლი, ნუ აღიმაღლებ თავსა შენსა და ნუ გამედიდურდები, არამედ ყოველთა გზათა შენთა ხვიდოდე სიბრძნით.

ზომით შეიძინე შენთვის ოქრო, ხოლო სწავლა უზომოდ; როცა გამრავლდეს მწუხარება, ის (სწავლა) იქნება შენთვის განსვენება და სიტკბოებაც.

ვისაც უყვარს სწავლა, მასში განდიდდეს სიბრძნე; ხოლო ვისაც უყვარს უქმად ყოფნა, მისთვის შეუძლებელია წარმატება.

ნეტარი ხარ, როდესაც საქმით ქადაგებ სათნოებებს. და, თუკი ჩვეულებრივ ლაპარაკობ სათნოებებზე, საქმით კი მის საწინააღმდეგოს აკეთებ, მაშინ იგი ვერ გიშველის.

დიდი შრომა არ არის საჭირო საძირკვლის ჩასადებად, ძნელი შენობის დასრულებაა. და რაც უფრო მაღლა აღიმართება შენობა, მით მეტ სიძნელეებს გამოუჩენს იგი მშენებელს საქმის დასრულებამდე.

როდესაც საზარელი მხედრობა მოდის, როცა ღვთაებრივი სულისამომხდელები უბრძანებენ სულს სხეულიდან გასვლას და როცა ძალით მიგვიტაცებენ და მიგვიყვანენ გარდუვალ სამსჯავროდ, მაშინ მათი მხილველი საბრალო ადამიანი ერთიანად ძრწის, თითქოს მიწა იძ... იხილეთ სრულად

უშრომლად - განათლებას, ანდა რაიმე ხელოვნებას ფულით ვერ იყიდი; ასევე, შეუძლებელია სათნოების ჩვევათა მოხვეჭა - გულმოდგინების გარეშე