წმ. მარკოზ მონაზონი (განშორებული) - ციტატები, გამონათქვამები

მწუხარების ჟამს ყურადღება მიაქციე გულისსიტყვებს, რომლებიც განცხრომისკენ გვიბიძგებენ, რადგანაც ისინი მწუხარებაში გვანუგეშებენ და ჩვენთვის სასიამოვნოა ხოლმე.

იფიქრე ყოველი უნებური მწუხარების დასასრულზე და მასში იპოვი ცოდვის განადგურებას.

დაე, თითოეულმა უნებლიე მწუხარებამ გასწავლოს გახსოვდეს ღმერთი და აღარასდროს გექნება სინანულის ნაკლებობა.

არ იფიქრო, რომ ყოველი მწუხარება ადამიანებს ცოდვის გამო ეწვევათ ხოლმე, რადგანაც ზოგიერთი ღვთის სათნოც გამოიცდება. დაწერილია: "უშჯულონი იდევნენ და თესლი უღმრთოთაი მოისრას" (ფსალ. 36,28); მაგრამ ასევე წერია: "რომელთა ჰნებავს ღმრთისმს... იხილეთ სრულად

ღმერთს სურს აჩვენოს, რომ ჩვენი მოვალეობაა ყოველი მცნების შესრულება და რომ ადამიანებს ძეობა თავისი სისხლით უბოძა და ამბობს: "ეგრეცა თქუენ, ოდეს ჰყოთ ბრძანებული თქუენდა, თქუთ ვითარმედ: მონანი ვართ უხმარნი, რომელი თანა-გუედვა ყოფად, ... იხილეთ სრულად

როცა სინდისი გვაიძულებს, მივმართოთ ღვთის ყველა მცნებას, მაშინ შევიმეცნებთ, რომ საღვთო სჯული უბიწოა და დაცულია ჩვენს კეთილ საქმეებში; მაგრამ ღვთის მოწყალების გარეშე ადამიანებს ვერ ძალუძთ მისი სრულყოფილად შესრულება.

ნუ იტყვი: მცნებები შევასრულე და უფალი ვერ მოვიპოვე. საღმრთო წერილის თანახმად, ცოდნა და სიმართლე მრავალგზის მოიპოვე, მისი ჭეშმარიტი მაძიებელნი კი მშვიდობას მოიპოვებენ.

მცნების შემსრულებელი ამისთვის განსაცდელს უნდა ელოდეს, რადგანაც ქრისტეს სიყვარული საწინააღმდეგოთი გამოიცდება.

მცნებების შესრულებამდე სულიწმიდის მოქმედების მაძიებელი ჰგავს ფულით შესყიდულ მონას, რომელიც რაწამს შეისყიდეს, ეძიებს, რათა ნასყიდობის სიგელთან ერთად გათავისუფლებისაც დაუწერონ.

მცნებების შესრულება იმას ჰქვია, როცა ბრძანებული შევასრულეთ; ხოლო სათნოება არის ის, როცა გაკეთებული ჭეშმარიტად სათნოა ღვთისთვის.