სწავლანი - წმ ნილოს სინელი - ციტატები, გამონათქვამები
სწავლანი - წმ ნილოს სინელი - ციტატები, გამონათქვამები სწავლანი - წმ ნილოს სინელი, წიგნი, ციტატები
61. მოიგე უმანკოებაი გულისაი და სიწმიდე ხორცთაი; რამეთუ ორნივე ესე ტაძარ ღმრთისა გყოფენ შენ
62. ესრეთ დაიცევ ტაძარი შენი, ვითარცა დამბადებელისა და განშჯად მისსა მგულებელისაი, და ხატად თვისსა წმიდად მომღონებელისა შენისაი
63. საერისკაცონი ზრახვანი ღმრთისაგან განაშორებენ გულისსიტყუასა. ვინაი ნუცა შენ ზრახავ მათ თანა, და მზრახველთაცა მათთაგან მისდერკ
64. იგინი რაი, განიცდიდ, ნუ სადა გექმნას რაიმე ღირს გინებისაი, ხოლო თუ არა გექმნას, კუამლად მლტოლვარედ ჰგონე გინებაი იგი
65. რომელთათვის-იგი გუესამართლოებოდინ, მოთმინებისა მიმართ მიივლტოდე მათთვის; და მეუსამართლოეთად მიიქცეს სავნებელი იგი მეუსამართლოებისაი
66. რაჟამს სიმდიდრესა ანუ დიდებასა, ანუ საწუთოისა ძლიერებასა ქებულად ჰხედვიდე, მოიგონებდ მათ შორისსა განხრწნადობასა და განერე სამჭედურსა მათსა
67. დაითმენდ ჭირთა, რამეთუ მათ შორის სათნოებანი, ვითარცა ეკალთა შორის ვარდნი აღმოეცენებიან და აღიზარდებიან
68. ნურარაი გგონიეს სწორყოფად პატივსა სათნოებისასა; რამეთუ მოხედვაი არს ღმრთისაი, ვინაიცა მსგავსადვე მისსა უქცეველ არს
70. დედად ბოროტთა უდებებაი ჰგონე; რამეთუ კეთილნი რომელნი გაქუნდენ, მიგპარავს, და რომელნი არა გაქუნდენ, არა გიტევებს მოგებად