წმ. მარკოზ მონაზონი (განშორებული) - ციტატები, გამონათქვამები

ვისთვისაც უცნობია მტრის სამალავი, ადვილად იღუპება; ვინც არ იცის ვნებების მიზეზი, ადვილად ეცემა.

ვისაც ვნებები სძულს, მათ მიზეზებსაც იკვეთს; ხოლო ვინც მათ წარმომქმნელ მიზეზებში იმყოფება, ის სურვილის საწინააღმდეგოდ ვნებების მიერ იქნება ძლეული.

არ წარმოიქმნება ღრუბელი ქარის გარეშე, არც ვნება იბადება აზრის გარეშე

როცა ეშმაკი ნახავს, რომ გონებამ გულით ილოცა, მაშინ უდიდეს და ვერაგულად დახლართულ ცდუნებებს მიმართავს და სურს, დიდი თავდასხმებით გაანადგუროს მცირე სათნოებები.

როცა ეშმაკი ნახავს ადამიანს, რომელიც საჭიროების გარეშე ეწევა ხორციელ საქმეებს, თავდაპირველად გონივრულად შეცნობის უნარს მოსტაცებს, როგორც ნადავლს, შემდეგ კი თითქოს თავს ჰკვეთს, ღმერთის იმედს წაართმევს.

ვინც ამბობს, რომ ეშმაკის ყველა მანქანებას ხედავს, საკუთარ თავს არ იცნობს და თავი სრულყოფილი ჰგონია.

ეშმაკი ამცირებს (ჩვენს თვალში) პატარა ცოდვებს, რამეთუ სხვაგვარად მას არ შეუძლია, უფრო დიდ ბოროტებამდე მიგვიყვანოს.

სანამ შენში ბოროტებას არ გაანადგურებ, გულს არ დაემორჩილო, რამეთუ როგორიცაა მასში ნადები, იმგვარსავე დანართს მოითხოვს.

როცა გონება ხორციელი საზრუნავისგან თავისუფლდება, ამის შესაბამისად მტრის ვერაგობას ხედავს.

შეუძლებელია გონების დადუმება სხეულის გარეშე, არც მათ შორის შუაკედლის დანგრევა დუმილისა და ლოცვის გარეშე